Жыл мезгілдері

5 сынып

Сыныптан тыс шара 
Тақырыбы: «Жыл мезгілдері» 
(ертегілер әлемінде) 

Сыныптан тыс шара 
Тақырыбы: « Жыл мезгілдері» 
Мақсаты : 
А) Оқушы бойындағы шығармашылық көңіл күй тудыру, шығармашылық қабілетін дамыту, шығармашылық ой талдауға бейімдеу; 
Ә) Оқушыларды адамгершілік асыл қасиеттерге жетелей отырып бойына сіңіру; 
Б) Өз ойларын еркін айтуға, оқушының тез қабылдауына жол ашу, ойлау қабілеттерін арттыру. 

Жоспар: 
Автор – бірінші оқушы 
Мезгіл қарт – екінші оқушы 
«Қыс» - үшінші оқушы 
«Күз» - төртінші 
«Жаз» - бесінші оқушы 

I. Ұйымдастыру бөлімі. 
Мұғалімнің сөзі: Құрметті ұстаздар! Алдарыңызда 6 В сынып оқушылары ертегіден үзінді көрсетеді. 

Автор: Ерте-ерте заманда Мезгіл атты батыр өмір сүріпті.Оның төрт ұл - қызы болыпты. Батыр әке қыздарының өнерлі, данышпан болуын арман етіпті. Бір күні төртеуін шақырып алып: 
Мезгіл қарт: -Қарақтарым ,батырлық бойға біткен қайрат пен елге деген махаббаттан туады. Сендердің бойларыңда екі қасиеттің екеуі де бар. Енді төртеуің әлемнің төрт жағына тарап ,өнер үйреніп келіңдер. 
Өнерлерің тек өздерің үшін емес, халық игілігіне ассын, - деп балаларын ұзақ сапарға шығарып салыпты. 
Автор: Ай өтіпті, ұлдары мен қыздары оралмапты, жылдар өтіпті, оралмапты. Мезгіл батыр қартая бастапты. Қыздарын сағынған әке тау жотасына шығып, балаларын күтеді екен. Бір күні үлкен ұлы үстінде тұлып , аяғында байпақ, басында түлкі тымақ киіп оралыпты. 
Қыс - Армысың,әке? 
Бар бол,ұлым. 
Мезгіл қарт: - Көрсет онда өнеріңді! 
Қыс: Бүкіл әлем ақ көрпе жамылып, айнала тамаша құбылысқа енді. Өзен, көл бетіне айнадай көк мұз қатты.Жылы киінген бала көк мұзда асыр салып, сырғанақ тетті. Төбеден төмен қарай шанамен зырлады. Қар атыста ойнаған балалардың беттері қызыл алмадай балбырап, гүл-гүл жайнады. 
Мезгіл қарт: - Жарайсың, ұлым! Ризамын саған! Көңілі таза жандарға қуаныш әкеліпсің. Өнерлі бол, мәңгі тірі бол, -деп батасын беріпті. 
Қыс: - Қош болыңыз әке! 
Мезгіл қарт: - Қош бол,ұлым. 
Автор: Осы кезде Мезгіл қарттың қызы Көктем оралыпты. 
Көктем: - Сәлеметсіз бе,әке! Неге мұнша жауырап отырсыз?Мен сіздің Көктем деген қызың боламын. 
Мезгіл қарт: - Сенбісің, айналдым менің Көктемім! 
Көктем: - Иә, әке менмін. 
Күн жадырап, ашылып, айналаның қары ағыл – тегіл ери бастайды. Жер беті жайқалып көгарай шалғынға бөленеді. Қызғалдақ пен түрлі гүлдер жайнады. Жас балалар асыр салып, қырға шығып, гүл тереді. 
Мезгіл қарт: - Айналдым, қызым Көктемім! Мәңгі жас бол! . Ел қуанса, сен де қуан! 
Көктем: - Рахмет әке, Сау болыңыз! 
Автор: Қуанышпен күндердің өткенін Мезгіл батыр байқамай қалыпты. Қайтадан ел аралауға шығыпты .Осы кезде Мезгіл қарттың Жаз деген қызы оралыпты. 
Жаз: - Саумысың ,әке! Қуанышыңыз қуанышқа ұлассын! Бұл сіздің келген Жаз деген қызың боламын. 
Мезгіл қарт: - Армысың қызым! Сен де өзіңнің өңеріңді ортаға сал. 
Жаз: Күн бұрынғындан да ұзара бастады. Шаруа баққан ел қыс қамына бірден кірісті. Мол-мол пішен жияды. Бала біткен көлдің салқын суынан шықпайтын болды. Күштілірге күш қоссылып, ел қуанды. Бұл нағыз жаз еді, ел мәз еді. 
Мезгіл қарт: - Жарайсың, қызым! Ризамын мен саған.Өнерлі бол, мәңгі тірі бол, - деп батасын беріпті. 
Автор: Мезгіл қарт өзінің Күз атты ұлын күтеді. 
Күз: - Армысың, әке!- деді Күз атты ұлы. 
Мезгіл қарт: - Бар бол ұлым! Сен де келіп жеттің бе? Кәрі әкеңді қалай қуантпақ ойың бар? 
Күз: - Әке өнерім жалғыз Сізді ғана қуантпас. Мен өнерімді халық үшін меңгердім.Сондықтан бүкіл жұртқа өнерім ортақ болсын. 
Мезгіл қарт: - Онда не тұрыс бар, көрсет өнеріңді. 
Күз: Теңіздей толқыған бидай сарғыш тартып, егіншілер астықтың астында қалды. Қырманда тау - тау болып,ақ маржандай бидай үйілді. Бау – бақшадағы жемістер пісіп, ел оны жинап ала бастады... 
Мезгіл қарт: - Бар бол балам! Рахмет, сау бол! 
Күз: - Сау бол әке! 
Автор: Төрт перзентіне риза болған Мезгіл қарт оларға алғыс айтып, тілек білдірді. 
Мезгіл қарт: Қарақтарым, сендер халық үшін туған екенсіңдер. Енді өмір бойы халық игілігіне қызмет етіңдер. Өмірлерің әрқашан өркенді болсын! Ел қуанса, сендер де қуаныңдар. Сендерді енді «Жыл мезгілдері» десін. Сау болыңдар, - деді әкесі. 
Автор: Содан бастап, Мезгіл балалары жыл сайын кезектесіп келіп отыратын болыпты. 
Қорытынды: Бүгінгі біздің 6 «в» класс оқушылары қонақтарға өздерінің ертегілерден үзінді көрсетті.Оқушылар сіздерге көп- рахмет. Келген қонақтарға да көп-көп рахмет. Алдағы уақытта сіздерге жұмыста табыс тілейміз.Тәрбие.орг сайтынан « Жыл мезгілдері» (ертегілер әлемінде) Сыныптан тыс жұмыс материалды тегін жүктеп сабақ барысында қолдануға рұқсат етіледі. Жарияланған материалға tarbie.org сайтының әкімшілігі жауапты емес

 

 

 

Ертегі. Жыл мезгілдері туралы

 

Ерте, ерте ертеде, ешкі жүні бөртеде Ақ жайықтың жағасында еліне елеулі, халқына қалаулы, бір домалақ ана өмір сүріпті. Сол анадан тараған төрт қыз бар екен. Олардың ауыз десе аузы, күндей жарқыраған көзі бар. Дүниенің сұлулығын өздеріне дарытқан сұлу қыздары болыпты.
Анасы жақсы тәрбие беріпті, Үлкен қызының аты «Көктем». Ол ақ жарқын, мінезі нәзік. Екінші қыз «Жаз» жарқырап, жайдарлы, әр уақытта күлімдеп, нұрын шашып жүреді. Үшінші қызы «Күз» басқа қыздарға қарағанда жылауық, жаңбырлы болады, бірақ қолы ашық мырза екен. Ал кіші қызы «Қыс» басқа қыздарына қарағанда салқын, қаталдау.
Қыздары бой жетіп, саналы да салмақты қыз болып өсіпті. Осы қыздарын домалақ ана өздерінің құтты орындарына қондырыпты.
Үлкен қызы арыстай үш ұл туып, үшеуі де ел қорғаған батыр болыпты.
Екінші қызы үш қыз туып үшеуі де адамзатқа жан жылуын сыйлай білетін мейірімді қыздар атаныпты.
Үшінші қызы жаздай жайдарлы үш қызды дүниеге әкеліпті.
Төртінші қызы берекесі мен ырысы мол, қолдары ашық, келген қонақты қадір тұтатын, қонақжай үш қыз өсіріпті.
Осы төрт қыздан өрбіген ұрпақтары елге, халыққа пайдасын тигізіп, ел аузында аттары аңызға айналыпты. Олар жылдың төрт мезгілі мен он екі айы екен.

 

 

0 пікірлер

Пікір қалдыру

Есім:*
E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Кодты еңгізіңіз: *
Кликните на изображение чтобы обновить код, если он неразборчив