Қызыл шие неге қауіпті?

Қызыл шие неге қауіпті? Емдік қасиеттерге толы жидектің бірі - қызыл шие (черешня). Оның құрамында тырнаққа, шашқа және теріге игі ықпал ететін В1 және В2 витамині бар. Алайда кейбір кезде қызыл шие денсаулыққа зиянын келтіріп жатады. Дереккөз: Reactor.inform.kz

Қызыл шиенің қандай пайдасы бар?

«Қызыл шие безеу, есекжем (қышыма) және теңге қотыр (псориаз) секілді әртүрлі тері аурулары кезінде жақсы көмектеседі», – дейді мамандар.

Бұған қоса, қызыл шиеде сүйекті, тісті қатайтатын, сондай-ақ көздің жақсы көруі үшін аса маңызды болып саналатын А привитамині бар.

Құрамында антиоксиданттар көп болғандықтан қызыл шие қартаю процесін баяулатады және жасушалардың регенерациялануына ықпал етеді. Бұл жемісті тұрақты түрде тұтыну жүрек-қан тамыры жүйесінің қызметін жақсартады. Дәрігерлердің айтуы бойынша, қызыл шиенің түсі қою түрі гипертония кезінде аса пайдалы екен – қан қысымын төмендетеді, ал құрамындағы антоциандар қылтамырларды нығайтады.

Сонымен қатар, қызыл шие ас қорыту жүйесін қалпына келтіру үшін де өте пайдалы.

«Қызыл шие жемістері зат алмасуды жақсартады және ас қорытуға жақсы әсер етеді – аш қарынға жеген кезде ол іш қатудан көмектеседі, сондай-ақ асқазан түйнеп ауырған кезде өте тиімді», – деп баға береді терапевт-дәрігерлер.

Қай уақытта қызыл шиені жеуге болмайды?

Қызыл шие ішектің жабысып қалуынан зардап шегетін жандардың хал-жағдайына кері әсерін тигізуі мүмкін. Сондай-ақ, асқазан жарасы, асқазан сөлінің қышқылдығымен гастрит, іштің кебуі секілді аурулары бар адамдардың да қызыл шиені аса сақтықпен жегені дұрыс. Қант диабетіне шалдыққан жандарға да өз денсаулықтарын нашарлатып алмас үшін жидектің бұл түрін тұтынбауға кеңес беріледі.

Ғалымдардың айтуы бойынша, қызыл шиені ас ішіп болған соң бірден жеуге болмайды: тамақтанғаннан кейін кем дегенде 30 минут өткенше күте тұрған жөн. Сонымен қатар, жидектің бұл түрін аса көп мөлшерде жеген жағдайда адамда іш өтуі (диарея) болуы мүмкін.

0 пікірлер

Пікір қалдыру

Есім:*
E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Кодты еңгізіңіз: *
Кликните на изображение чтобы обновить код, если он неразборчив