Оқулықтар тағы да өзгереді

Бүгін Астанада Пәндік комиссиялардың жұмысын қорытындылған баспасөз мәслихаты өтті, деп хабарлайды BAQ.kz тілшісі.

6-13 наурыз аралығында ЕҰУ-де парламент депутаттары, ғалымдар, сала мамандарынан жасақталған арнайы комиссия мыңнан астам оқулық, әдістемелік құрал, мектепке дейінгі тәрбие құралын сараптамадан өткізді. Талқылауға 120-дан астам маман қатысты.

«Тарихта алғаш рет Пәндік комиссияның құрамы 40 адамға дейін кеңейтілді. Бұған дейін не бары 13 адам жабық түрде өткізіп, өздерінің шешімдерін жариялайтын. Осы жолғы комиссия құрамында әр өңірден келген ұстаздар, мектеп директорлары, ғалымдар, Бірғаным Әйтімова, Бекболат Тілеухан, Жамбыл Ахметбеков т.б. қатарлы Сенат пен Мәжіліс депутаттары болды. Ал кітаптарды, оқулықтарды жарыққа шығару үшін отандық та, шетелдік те баспалар арасынан 12 баспа қатысты» - дейді БҒМ орынбасары Эльмира Суханбердиева.

Негізгі өзгеріс 2, 5 және 7-сынып оқулықтарына енгізілген. БҒМ бұған дейін де біраз реформа жасаған. Олардың қатарында сәттісі де, сәтсізі де болды. Дегенмен бұл жолғы үш сыныпқа қатысты 197 оқулықта қандай бір жағдаймен кемшіліктер болатын болса, оған тікелей министрлік жауап беретін болады. Бұл туралы баспасөз мәслихатында Ғылыми практикалық оқу орталығының директоры Кәрімова Бибігүл мәлімдеді.

«Жалпы оқулықтар төрт жылда бір рет өзгертіліп отырады. Олар оқушының жас ерекшеліктерін ескере отырып мемлекеттік стандарттар мен бағдарламаларға толық сай әзірленген оқулықтар. Біз 1 жыл бойы 2, 5 және 7 сынып оқулықтарына сараптама жүргіздік. Ал оқулықтағы қателер немесе талғамға сай емес мәтіндер болса, министрлік жауап береді» - деді директор.

Пәндік комиссия бекіткен кітаптар министрліктердің сайтына бекітілді. Оқушылар, ата-аналар, ғалымдар, жалпы кез келген адам оны көріп, талдап, талқылап, өз ұсыныс пікірлерін беруге мүмкіндік бар.

 

0 пікірлер

Пікір қалдыру

Есім:*
E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Кодты еңгізіңіз: *
Кликните на изображение чтобы обновить код, если он неразборчив