Әкім орынбасары: Балалар тоңса көрпе алып келіп, жамылып отырсын

ОҚО-да Мырзакент ауылының мектебінде жылу жоқ. Ата-аналар мен ұстаздар салқын мектептің жағдайын айтып басшылыққа бірнеше рет шағымданған. Бірақ өзгеріс жоқ. Бұл туралы КТК арнасы хабарлады.

“Желтоқсан айының басынан бастап біз сыныпта сабақтарда курткамен отырамыз. Және де аяқ-қолдарымыз кішкене жаурайды”, -дейді Аружан Шәбден есімді оқушы.

Жаны ашыған мұғалімдер мектеп этикетін былай қойып тоңған оқушыларға қалың киімдерге оранып отыруға рұқсат берген.

Биыл мектепке газ құбыры жүргізіліп, тіпті қысқы каникул кезінде арнайы газ пешін орнатуы керек болған. Алайда білім бөлімі алдырған газ қондырғысы мектепке сай келмей қалған.

Қазіргі уақытта мектепте тозығы жеткен жылыту қазандықтары жағылады. Бірақ, көмір пайдаланылатын бұл пештер мектепті жылытайды. Себебі мемлекеттен бөлінген көмір сапасы тым нашар. Бірінші қабатта жылу температурасы +12 – +14 градус. Екінші және үшінші қабаттағы жылу батареясы салқын, ол жаққа жылу жетпейді.

Мектептің ата-аналары мен ұстаздары басшылыққа бірнеше рет шағымданған. Тек тексеріс келетін кездері ғана жылыту қазандықтарының температурасы жылынады екен.

“Тексеріс келгенде мектеп +5 градустан +20 градусқа дейін жылынады. Олар кеткен бойда қайта салқындайды. Ата-аналар жиналысына әкімің орынбасары да келді. Ол былай деді: “егер қазір сынып бөлмесінің температурасы +9 градус болса, бұл қалыпты жағдай. Егер балаңыз тоңса көрпе алып келсін де, жамылып отырсын””, – дейді ата-аналар комитетінің жеткешісі Юлия Сембаева.

Мектепте 1250 оқушы оқиды. Ұстаздар мен шәкірттердің арасында суықтап қалып, сабаққа келме алмай қалатындар да көп.

Басқа амал жоқ қой. Басқа не істейміз. Жылда осыны жағып жатқан сол көмір. Жылда үкіметтің берген көмірін жағып жатырмыз. Біз әкелген нәрсені жағамыз. Қабылдаймыз. Бірақ, сапасыз екенін түсінесіз ғой?”, –дейді жылу беру компаниясының өкілі Жаңабай Қазыбеков.

Көмір жаман емес, тек сақтайтын қоймасы нашар болған соң ол жылу маусымына дейін сапасын жоғалтады дейді шенеуніктер. Ал мектепке сай емес газ қондырғысының әкелінгенін өздерінен көрмей, бар кінәні жеткізуші компанияға артты.

“Қазандықтар әкелгенде ол модульный қазандық. Мердігерлер сотқа шағым түсірді. Қазір Шымкентте сот боп жатыр. Ал бірақ ол котелды ертең әкетіп, орнына 700-дік қазандық әкеледі. Ол дер кезінде уақытылы орнатылады”, – дейді Мақтаарал аудандық білім бөлімінің басшысы Серік Төребеков.

“Егер мемлекет балалардың жағдайын ойласа мекемелерге газ берілсе білім деңгейі де жақсы болар еді. Бұл жағдай біздің мектепте ғана емес. Мырзакенттегі көптеген мектептерде бар мәселе”, -дейді орыс тілі пәні мұғалімі Ләйлә Мамедова.

Қатты суық болған кездері мақтааралдық кей мектептерде сабақ уақыты 40 минуттан 30 минутқа дейін қысқартылады.

Осы жылы Мақаарал ауданы басшылығы 154 миллионға 47 газ қазандық сатып алды. Ауданда 100-ге жуық мектеп бар. Барлық мектепке газ құрылғылары орнатылды, бірақ қослмаған. Тек, Мырзакент мектебіне ғана газ құрылғысы сәйкес келмей қалған.

Басшылардың айтуынша, дүйсенбіден бастап Мырзакент мектебі газбен жылынып, оқушылар мен ұстаздар кәдімгі мектеп формасымен жүре алады. Шенеуніктер биылдан қалдырмай аудандық білім ошақтарындағы жылу мәселесін шешеміз деп уәде берді.

0 пікірлер

Пікір қалдыру

Есім:*
E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Кодты еңгізіңіз: *
Кликните на изображение чтобы обновить код, если он неразборчив