Қазақстандағы педагогикалық ЖОО түлектері сертификаттаудан өтеді

Еліміздегі педагогикалық жоғары оқу орындарының түлектерінің бәрі сертификаттаудан өтетін болады. Бұл туралы ҚР білім және ғылым вице-министрі Асхат Аймағамбетов айтты, деп хабарлайды ҚазАқпаратқа сілтеме жасап Stan.kz.

«Сертификаттау процедурасын биылдан бастап пилоттық режимде өткізгіміз келеді. Биылғы жылы педагогикалық ЖОО түлектерінің бәрін сертификаттаудан өткізуді жоспарлап отырмыз. Оның үстіне мұғалімдерге арналған ұлттық біліктілік тесті дайын. Биыл 33 мыңнан аса болашақ педагог оқу бітіреді», – дейді вице-министр.

Сонымен қатар Аймағамбетов алдағы уақытта еліміздегі барлық ЖОО түлектері сертификаттаудан өтетінін айтты. Алайда процедураны енгізу барысында бірқатар қиындықтар бар екенін атап өтті.

«Әзірше кәсіби стандарттарымыздың саны жеткіліксіз. Сертификаттау үшін арнайы орталықтардың дайындығы да жеткілікті болмай отыр. Дегенмен, бұл институт 2021 жылдан бастап жұмыс істейтін болады. Демек, 2021 жылдан бастап дипломның болуы жұмысқа орналасуға кепілдік бере алмайды. Дипломның болғаны жақсы, бірақ белгілі бір біліктілік алғаны туралы сертификат та әкелу қажет», – дейді Асхат Аймағамбетов.

Өз сөзінде вице-министр түлектерінің 50 пайызы жұмысқа орналаса алмаған ЖОО-лардың лицензиясынан айырылатынын ескертті.

«Бұл екі жайтты білдіреді. Нарықта бұл бағыттағы мамандар жеткілікті болғандықтан олар жұмыс таба алмайды не болмаса білім сапасының төмендігінен нарық оларды жұмысқа алмайды», – дейді ҚР білім және ғылым вице-министрі.

0 пікірлер

Пікір қалдыру

Есім:*
E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Кодты еңгізіңіз: *
Кликните на изображение чтобы обновить код, если он неразборчив