Бәйшешек бүр жарғанда - 2017

Сабақтың тақырыбы: Бәйшешек бүр жарғанда - 2017

Мақсаты: Қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт-дәстүріне байланысты әдептілікке, инабаттылыққа, ізеттілікке тірбиелеу.

Көрнекілігі: „Қыз-елдің көркі" (ұлттық киімді қыздардың суреттері), „Өнер таусылмас азық"(қолөнер түрлерінің фотосуреттері), мақал-мәтелдер, қанатты сөздер,слайд.

Барысы: 1-жүргізуші. Қайырлы күн, құрметті көрермендер!

               2-жүргізуші. Бүгінгі „Бәйшешек бүр жарғанда - 2017 " атты қыз сыны сайысына қош келдіңіздер!

               1-жүргізуші. Бүгінгі кеш арулардың сайысы,
                                      Сіздердікі тамашалау, бағалау.

            2-жүргізуші.      Мен қазақ қыздарына қайран қалам,

                                      Жанары жаны жаздай жайраңдаған.

                                      „Қыз өссе елдің көркі"деген сөзді,

                                       Қапысыз қалай айтқан қайран бабам.

                 

                1-жүргізуші. Өнер-білім тапқырлықтың тарланы,

                                       Еңбектегі әріптестер мақтаны.

                                       Өнеріңді ортаға сал,сайысқа

                                        Өнер көрсет,құрбылармен жарыс та.

 

                2-жүргізуші. Мың бұралған арулар билей басып,

                                        Келеді міне ортаға толқып тасып.

                                        Аруларын сыйлаған халқым менің,

                                        Көңілді қошеметпен қарсы алайық.!


1-жүргізуші: Дүрсілдеп бара жатыр жүрек құрғыр, 

Жайдары болғанымен көңіл дүлдүл,

Ару боп сынға түсіп сыналмақшы

Маңдайы жарқыраған        Аяжан   қыз!

2-жүргізуші: Қыздардың білсеңіз таң қалдырған,

Жүректің алау отын жандырғанын.

Ағайын, қошеметтеп қарсы алайық,

Ару қыз – Анелді!

1-жүргізуші: Бұралған тал шыбықтай ол бір гүлің,

Шіркін-ай тыңдар болсаң нәзік үнін.

Биімен көрерменді тәнті еткен,

Қарсы алайық,Айнұрды!

2-жүргізуші: Ал, халайық аруға, тамсанайық,

Қыз қылықты дегенде ән салайық.

Гаухар   деген ару.

Келе жатыр, қол соғып, қарсы алайық.

  1-  жүргізуші:    Мөлдір  адал жүрек, ақкөңіл қыз,

                    Сыйлаймыз жақсы қыз деп сіз бен біз

                    Өнері бар бойында тұнып тұрған,

                   Жолың болсын қашанда әдемі қыз!

 

2- жүргізуші:                        Әке ақылы-өсиет,

                                               Ана сүті-қасиет.

                                               Ана үмітін ақтайтын,

                                               Алуа  қызыңыз  үшін ,рахмет!

                

1-жүргізуші.                  Шалқытып мерекеде ән салайық,

                                        Өнерпаз өрендерге тамсанайық.

                                        Әділдік пен шындықты арқа тұтқан

                                        Әділқазы алқасымен танысайық.

2-жүргізуші:

1.

2.

3.

   

               1-жүргізуші. Сайысымыздың шарты бойынша қыздар өз нөмірлерін алып өз өнерін көрсетеді. Сайысымыз 6 турдан тұрады.

                                        
1.Тегін білу тектілік. (таныстыру)

2.Өнерлі - өрге жүзер.(өз өнерлерін көрсету)

 

3.Ана көрген тон пішер(шаш өру)

 

  1. Анама сыйлық жасаймын. (қолөнер)

5.Қыздарға әсемдік жарасады. (сән үлгісі)

6.Талаптыға нұр жауар. (үй тапсырмасы. фантазия)

 

                  2-жүргізуші. Кел, достар, бастайық,,

                                           Бастайық той кешін.

                                           Қызықтан еш адам,

                                           Қалмасын құр қалып.

 

                    1-жүргізуші. Бірінші сайыс -өзін-өзі таныстыру.

                                           Көңілге түй сен мұны,

                                           Әр бүлдіршін –ел гүлі.

                                           Бақытты елде туғаның

                                           Есіміңнен белгілі.

                    

                     2-жүргізуші.  Екінші сайыс-өнерліге өріс кең.

                                             Өнерсізден қашып жүр,

                                             Өнермен үлгі шашып жүр.

                                             Өнерді көп білетін дана болар,

                                             Өнерсіздің ісі шала болар.

                    1-жүргізуші. Келесі сайысымыз «Өнерлі өрге жүзер». Ару қыздарымыз өз өнерлерін ортаға салады.

2-жүргізуші. Тақпақты да жаттаймын
                       Би билеп, ән де айтамын
                      Ата - ананың үмітін
                      Ақ сеніммен ақтаймын – деп алдарыңызда                                   өз өнерін көрсетеді.

 

1-жүргізуші. Өнері өрге жүзер талаптының,

                       Таланты талмай ұшар қанаттының.

                       Әлди әуен әлемі өнер аты,

                       Шарпып өтсін лебімен қанатының-дей отырып                               қызымыздың өнерін тамашалайық.

2-жүргізуші.   Сахнада биші емес құс сияқты,
                         Елестейді бір көрген түс сияқты.
                         Әжесінің ұршығындай иірілгенде,
                         Жер шарын айналдырған күн сияқты.

                                     орындауында                                              қарсы алыңыздар.

2-жүргізуші.  Өзі жап жас болса да
                        Таудай үлкен талабы
                        Биін оның көріңіздер
                        Көріп баға беріңіздер-деп                                         өнерін тамашалаңыздар.

                                                                      

2-жүргізуші. Жарыс десе жайнаған
                       Намысында қайраған
                       Тоты құстай құлпырып
                       Сандуғаштай сайраған –дей отырып                               қыздың өнерін тамашалаңыздар.

1-жүргізуші. Қазақ жұрты киелі,
                       Өнерліні сүйеді,
                       Сіздерді күтіп отыр сонша қауым
                       Би билеп ән салып бер енді, - ендеше                       биімен ортаға шақырайық.

2-жүргізуші Бұрымды қыз сайысы,

                     Тәрбиелі мәні бар.

                     Шашты күтіп өсіру,

                     Қыз баланың сәні де.

                                                          Шаш өру сайысы          

 

1-жүргізуші. Әдет-ғұрып, салт –дәстүрі қазақтың,

                       Жарасымды үйлесімді ғажап шын.

                       Ұмыт болған дәстүрлерді сақтайық,

                       Насихаттап, жаңартудан қашпайық..

                                                                                      Қолөнер сайысы

2-жүргізуші. Сымбатына сән киім жарасатын,

                       Аспандағы айменен таласатын.

                       Өнеріне сәні сай келіп тұрған,

                       Аруларға қызығып қарасын деп,-келесі сайысымыз-

                                                                                             Сән үлгі сайысы.

    

     1-жүргізуші.  Ата-бабамыздың ежелден келе жатқан салт-дәстүрлерінің бірі-қонақжайлылық. Қандай жағдайда да „құдайы қонақпын" деп келген адамды кеудесінен итермей, жылы шыраймен қарсы алып,қолдағы барымен дегендей,шамасы келгенше сый-құрмет көрсетіп аттандыру әркімнің парызы сияқты болатын.

                                           Ендеше, алтыншы сайысымыз-ас мәзірін дайындау.

                     

   2-жүргізуші.Әділқазы алқасы аруларымыздың ұпайларын есептегенше өнерпаздардың өнерін тамашалайық.

  1-жүргізуші. Енді сөзді төрешілерімізге берейік.(Ұпайларын қорытқанда, қыздардың ұлттық киімін, сайыс бойы өзін қалай ұстағанын, сөйлеу мәдениетін, жүріп-тұрғанын- бәрін де есептеген жөн.)

                   Қорытынды. Әділқазылар сөз алып, әр номинация бойынша (Көктем аруы, көрермен көзайымы, білімді қыз,өнерлі қыз, дарынды қыз, тапқыр қыз) жүлде тағайындайды.

                    2-жүргізуші. Өнеріміз сайыста,

                                           Жетелейді алысқа.

                                           Бүгінгі күннің жеңісі,

                                           Достық болып қалуда.

                    1-жүргізуші. Баршаңызды Наурыз мерекесімен құттықтаймыз. Наурыз құт –береке , бірлік әкелсін.  

 

 

 

 

 

 

 

0 пікірлер

Пікір қалдыру

Есім:*
E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Кодты еңгізіңіз: *
Кликните на изображение чтобы обновить код, если он неразборчив