8 Наурыз тақпақтары
Халықаралық әйелдер күніне арналған қазақша тақпақтар. Аналарға, әжелерге, ұстаздарға арналған қазақ тілінде құттықтау тақпақтар
- Ана туралы тақпақтар
- Әже туралы тақпақтар
- Қыздарға арналған тақпақтар
- Ұстаздар туралы тақпақтар
Ана туралы 8 Наурыз тақпақтары
***
Жарқын жүзді жан анам
Сендей болсын бар адам
Сендей болса бар адам
Шаттық кетпес баладан
***
Мен үшін не керек — бәрін іздеп табасың.
Айналайын анашым, жұмысыңа барасың.
Қайтып мені көргенде, шын сағынып қаласың.
***
Әр сөзімді жаттаған,
Жүрегімде сақтаған,
Анашым деп мақтанам,
Айналайын ақ анам!
***
Біз доспыз гүлдермен,
Текке оны жұлмаймыз
Той күні бір-бірден
Аналарға сыйлаймыз.
***
Сенен өскен балалар,
Батырлар мен даналар
Құттықтаймыз мейраммен
Құрметті аналар.
***
Ақ анашым, аппағым,
Өзің жайлы тақпағым
Өзің жайлы әнім де,
Арнадым саған бәрін де.
***
Шашымды өріп тараған,
Қабағыма қараған
Үлкен кіші демейді
Сыйлайды оны бар адам.
***
Айналайын анашым,
әлпештеген баласын,
Еміп өскен бөбекпіз,
анамыздың мамасын.
***
Ақ қабақты анашым,
күн сәулелі анашым.
Әлпештеген баласын,
айналайын анашым.
***
Анам, анам, ақ анам
Мен өзіңдей ақ балаң,
Айтқан тілінді аламын
Жұмсағанда барамын.
***
Қозы бағып жүргенде,
Жаңбыр жауды.
Бір тамшысын әкелдім,
Анам, саған!
Гүлдер жауып кетіпті
Қырды, тауды.
Бір шоқ теріп әкелдім,
Анам, саған!
***
Анамыздың мейірлі
Жүзіне біз қараймыз.
Анамызды пейілді
Жомарт жанға балаймыз.
***
Бізге қарап елжіреп,
Сүйсе беттен күнім деп,
Құшақ ашса келші деп,
Жүгіреміз күлімдеп.
***
Анамызға еркелеп,
Қуантуды қалаймыз.
Өссек егер ертерек
***
Мен мұғалім анамның,
Өнегесін аламын.
Ертең менде анамдай.
Оқытушы боламын.
***
Ақ қабақты анашым,
күн сәулелі анашым.
Әлпештеген баласын,
айналайын анашым.
***
Құрметтейік, о адамдар аналарды,
Бізді өмірге әкелген аналарды.
Себебі ана деген асыл жан ғой,
Ойлауменен істелік әр қадамды.
***
Барша ана құтты болсын мерекеңіз,
Әрқашанда ана сізбен бірге берекеміз.
Ақ сүтіңді, ақтап өту, асыл анам
Сонда біз кісілікке теңесеміз.
***
Шуақты көктем келді гүлін алып,
Көктемнің мерекесі бүгін анық.
Өмірдің көктемі де, гүлі аналар,
Ана деп бас иеді күллі халық.
***
Ана деген бәйтерегі өмірдің,
Ана деген қуанышы өмірдің.
Анам деген әр бір үйдің жылуы,
Ана деген гүлі туған өмірдің.
***
Сәл ғана көрмесең,
Сағынып қаласың,
Қамқоршысың анашым.
Мен үшін керек пе,
Бәрінде табасың.
Мейірің ерекше
Өзгеден анашым.
Теңеймін күнге мен,
Көзіңнің қарасын
Өзіңмен бірге мен жайнаймын анашым.
***
Айналдым ана деген асыл аттан,
Шуағын бар әлемге шашыратқан.
Ойнап жүрген құлынын даладағы,
Үйде отырып даусынан ажыратқан.
***
Өмірге ана — бұлақ, ана пана,
Өмірді өркендетер, ана ғана,
Ана! Ол біздің елде ардақты адам,
Кіші де, үлкен де оны ардақтаған.
Өзінің аяулысы Отаны да.
***
Ардақты анам асылым,
Теңдігіңді жырлаймын.
Жырымның ең асылын,
Мерекеңе сыйлаймын.
***
Әже туралы 8 Наурыз тақпақтары
***
Әже деген көп шығар,
Әжемдейі жоқ шығар.
Мейірімді бұл кісі
Қандай ғажап күлкісі.
***
«Айналайын» дегені
Жанға рақат береді.
Көңіліңді табады
Әнді қалай салады.
***
Ертекке ол сенеді —
Күнде айтып береді.
Ертек қандай көп еді
Таусылмай-ақ келеді.
***
Таусылмайды өлеңі
Күнде айтып береді.
Барған сайын қонаққа
Кәмпит алып келеді.
Әжем мені өйткені
Өте жақсы көреді.
***
Аналарды сүйеміз
Ақылын ойға түйеміз.
Әжені де ардақтап
Әдеппен бас иеміз.
***
Қайрымды, қасиетті ең ардақты ақ әжем,
Әрбір сөзі өсиетті, баға жетпес ақ әжем,
Аман – есен жүріңізші бар тілегім сол әжем.
***
Қыздар туралы 8 Наурыз тақпақтары
***
Арулар – аяулылар, ардақтылар,
Өмірдің жылуы болып қалмақ бұлар.
Арулар – тірішілікке күре тамыр,
Өмірді бір – бірімен жалғап тұрар.