Солтүстік Америка материгін қайталау

Сабақтың тақырыбы: Солтүстік Америка материгін қайталау

Сабақтың мақсаты:

1. Оқушылардың Солтүстік Америка материгі туралы алған білімдерін жинақтау.
2. Іскерлігі мен ой — өрісін, есте сақтау қабілетін дамыту.
3. Пәнге деген қызығушылығын арттыра отырып, еңбекке, ізденімпаздыққа тәрбиелеу.

Типі: қайталау

Сабақтың түрі: жарыс сабақ

Көрнекілігі: Дүние жүзінің физикалық,саяси карта,атлас,түрлі суреттер.

Солтүстік Америка материгін қайталау

Сабақтың барысы:

Ұйымдастыру

Оқушыларды топқа бөлу
Сынып 3 топқа бөлінеді.

Бүгінгі сабағымыз Солтүстік Америка материгін қайталау сабағы болғандықтан ойын түрінде өтейін деп отырмыз.

Сабақ VII бөлімнен тұрады.

I бөлім: «Кім алғыр?» ойыны

(әр топқа 2 сұрақтан беріледі)

1. Солтүстік Американың физикалық географиялық орнына сипаттама бер.
2. Солтүстік Американың зерттелуіне үлес қосқан саяхатшыларды ата.
3. Жер бедеріне сипаттама бер.
4. Материк қандай пайдалы қазбаларға бай?
5. Материктегі климаттық белдеулер мен олардағы климат жағдайларын анықта.
6. Материкте қандай табиғат зналары бар? Олар қалай орналасқан?

II бөлім: «Балық аулау» ойыны

(картаға әр түрлі балықтардың түрлері ілінеді, әр топтың оқушылары кезек-кезек шығып, қалағанын алып жауап береді)

1. Атлант мұхиты алабының басты өзендерін ата.
2. Миссисипи өзенінің Миссури саласы мен қоса есептегендегі ұзындығы
   (6420 км ұзындығы жөнінен дүние жүзі бойынша 3 орын алады).
3. «Миссисипи» атауы үндістер тілінде қандай мағынаны білдіреді? (су атасы)
4. «Миссури» атауы үндістер тілінде қандай мағынаны білдіреді?
   (тұнбалы өзен)
5. Солтүстік Мұзды мұхит алабына жататын өзендерді ата.
6. Макензи атауы үндістер тілінде қандай мағына береді? (Үлкен өзен)
7. Тынық мұхит алабына жататын өэендерді ата. (Алаптың ең ірі өзендері Колумбия мен Колорадо).
8. Солтүстік Америкадағы ірі көлдерді ата.
9. Солтүстік Америкадағы ең биік сарқыраманы ата, оның биіктігі мен ені қанша?

III бөлім. «Біз мемлекетті білеміз бе?»

Жоспар

1. Мемлекеттің аты — Канада, АҚШ, Мексика
2. Астанасы
3. Координатасы
4. Шектесетін елдері
5. Қандай мұхит сулары шайып
   жатыр?

IV бөлім. «Кім жылдам?» ойыны

(қай топ бірінші жауап береді, сол жеңімпаз атанады)

1. Солтүстік Американың экваторға қатысты орны
2. Солтүстік Американың бастапқы меридианға қатысты орны
   (Батыс жарты шар)
3. Канада Арктикалық архипелагының пайда болуының себебі?
4. Солтүстік Америкадағы жазықтар ( Ұлы, Орталық, Мексика)
5. Кордильер тау жүйесінің пайда болу себебі (литосфералық тақталардың әсері)
6. Солтүстік Америкада кездеспейтін климаттық белдеу (экваторлық)
7. Солтүстік Американың ең ұзын өзені (Миссисипи)
8. Солтүстік Американың шығысын шайып жатқан мұхит (Атлант)
9. Үндістер мен негрлердің ұрпақтары кімдер? (самбо)
10. Мак — Кинлидің биіктігі қандай? (6193 м)
11. Канаданың туында не бейнеленген? (үйеңкі)
12. Солтүстік Америка жер көлемі бойынша дүниежүзі бойынша нешінші орында? (3-ші)
13. Канаданың астанасы (Оттава)
14. Қылқан жапырақты ағаштар қай зонада өседі? (тайга)
15. Американы ашқан кім? (Х. Колумб)

V бөлім. « Кім көп біледі?» ойыны

(топ басшылар сайысы)

1-топ басшысының сұрақтары

1. Солтүстік Американың жер көлемі (24,2 млн км2)
2. Дүние жүзіндегі ең үлкен әрі терең каньон (Колорадо)
3. Дүние жүзіндегі ең үлкен тау мұздығы (Хабборт, 145 км)
4. Дүние жүзіндегі ең биік ағаш (секвойя, 100 м)
5. Солтүстік Американың жер шарындағы ең аз жауатын жері (Калифорния шығанағының солтүстігі,100 мм)

2- топ басшысының сұрақтары

1. Дүние жүзіндегі ең үлкен арал (Гренландия)
2. Дүние жүзіндегі ең ұзын жер асты үңгірі (Флинт-Мамонт, 500 км)
3. Дүние жүзіндегі ең биік толысу толқындары қай жерде байқалады? (Фанди)
4. Солтүстік Американың ең биік нүктесі (Мак — Кинли, 6193 м)
5. Материктегі ең ыстық жер (Өлім аңғары,+57 С)

3- топ басшысының сұрақтары

1. Дүние жүзіндегі аса ұзын, әрі енді тау жүйесі (Кордильер, ұзындығы 9000 км, ені 1600 км)
2. Солтүстік Американың теңіз деңгейінен ең төмен орналасқан нүктесі (Өлім аңғары, — 86 м)
3. Материктегі жылдық жауын шашын ең көп түсетін жері (Кордильердің солтүстік батысы, 6000 мм)
4. Солтүстік Американың байырғы халықтары (үндістер, эскимостар)
5. Солтүстік Америкадағы ең суық жер (Гренландия аралы, — 70 С)

VI бөлім. «Пошта» ойыны

(қай топ бірінші орындаса, сол жеңімпаз атанады)

• Арал
• Түбек
• Теңіз
• Бұғаз
• Шығанақ

1. Гренландия
2. Кариб
3. Ньюфауленд
4. Саргасс
5. Беринг
6. Калифорния
7. Флорида
8. Юкотан
9. Лабрадор
10. Гудзон
11. Мексика

VII бөлім. «Шешендік өнер»

Мұхиттар мен өзен, көлдерді ластанудан қорғау (керек, керек емес)

Қорытындылау

Әр топтың жинаған ұпайлары бойынша қай топ жеңгенін анықтап, белсенді қатысқан оқушыларды бағалау.

Тараз қаласы, №47 орта мектеп
География пәннің мұғалімі Мамытбаева Ғалия Өкенқызы

Сабақтың тақырыбы: Солтүстік Америка материгін қайталау